Во акција за доброволно дарување крв насловена „Дарувај крв-Продолжи живот“ во Велес денеска беа собрани 112 крвни единици.
Акцијата ја организира Општинската Организација на Црвен крст од овој град во соработка со медицинска екипа на Институтот за трансфузиона медицина од Скопје, а на иницијатива на Унијата на млади сили на ВМРО-ДПМНЕ ОК Велес.
Крводарителската акција се одржува традиционално по повод одбележувањето на годишнината од раѓањето на Гоце Делчев, идеологот на македонската револуционерна борба.