Се излеа реката Луда Мара кај дел од кавадаречките села Марена и Сопот, а денеска на терен излегоа градоначалникот на Кавадарци Александар Панов и претставници на противпожарната служба, Дирекцијата за заштита и спасување и Центарот за управување со кризи.
Градоначалникот Панов посочи дека е зголемен водостојот на реката Луда Мара поради дождовите и топењето на снегот, но засега има само штети врз земјоделски култури во Маренско и Сопотско.
Тој додаде дека има и одредени оштетувања по течението на реката Луда Мара во градот како уништени коцки, потпорен ѕид и мали дефекти во комуналната мрежа.
– Дефектите ќе се санираат уште во текот на денот, а останатите штети врз инфраструктурата исто така најбрзо што може, нагласи Панов.