Охрид вечерва е прекриен со снег. Големи количини на снег наврнаа за краток период што повторно создаде тешкотии во нормалното одвивање на сообраќајот. Возилата едвај се движат низ улиците, а граѓаните се движат по улиците бидејќи тротоарите се непроодни.
Ниту во центарот на градот, ниту во населбите низ Охрид се уште патот не се чисти. Објективот на А1он не забележа службени возила на Јавното претпријатие „Охридски Комуналец“ кои веќе требаше да се низ улиците на Охрид.
Пред само еден месец, 20 центиметри снег го блокираше градот, а локалните влати покажаа дека не можат да се справат ни со најмали временски неприлики. Тогаш, градоначалникот на Охрид, Никола Бакрачески направи споредба и истакна дека и во Њу Јорк се случувале временски неприлики, па и таму тешко се справувале.