Косовскиот министер за правда Хајредин Кучи смета дека формирањето на специјален суд е политичко прашање и дека нема ништо со правда, како и дека меѓународната правда на Косово доживеа неуспех, јави Танјуг.
Кучи синоќа за РТК изјави дека никаде не се случило да не успее системот на правда контролиран од странци како на Косово.
– Воените злосторства кои беа под контрола на УНМИК сега се во рацете на ЕУЛЕКС. Значи ако пропаднале, тогаш тоа е неуспех на меѓународната правда, изјави Кучи, пренесува весникот „Експрес“.