Најмалку 65 лица се убиени, а десетици повредени во денешниот воздушен напад на сириските воено-воздухопловни сили врз сточен пазар во едно село, кое се наоѓа на територија контролирана од џихадистичката група Исламска држава (ИД), соопшти сирискиот Центар за мониторинг на човековите права, со седиште во Лондон.
На пазарот во селото Ханса во моментот на нападот се наоѓале неколку илјади трговци и купувачи од околните населени места.