Тројца скопјани на интернет порталот „Пазар-3“, прочитале оглас дека во центарот на Охрид се издава соба за износ од 350. денари од ден, оствариле телефонски контакт со лице кое им кажало дека за сместувањето треба да уплатат капар на жиро сметка во Стопанска банка, на име на пријавениот кој е наводно негов брат, по што тројцата уплатиле 2.500 денари.
Кога во месец јули туристите пристигнале во Охрид, на посочената адреса виделе дека се работи за стара руинирана куќа и откако останале без сместување случајот го пријавиле во полиција.
По извршената истрага охридската полиција откри дека зад измамата стои 19 годишно момче од селото Росоман, Кавадарци, против кого поднесе кривична пријава за сторено кривично дело „компјутерска измама“.