Во Охрид, денеска традиционално беше одбележан Денот на рибарите. Традиционално, во водите на Охридското Езеро се фрлаа пет буриња со вино од кои, четири беа со бело вино, а едно со црвено. Дваесетгодишниот студент, Климент Довлев од Охрид беше најсреќниот денеска и прв доплива до бурето со црвено вино.
Тој како подарок од Здружението „Богојавление“ доби реплика од светиот крст кој традиционално секоја година се спушта во Охридското Езеро по повод еден од најголемите христијански празници, Богојавление – Водици, како и други пригодни подароци.
Фрлањето на бурињата во близина на бродовите и кајчињата кои беа покрај градското пристаниште, а не во близина на капачите предизвика револт кај негативни реакции кај посетителите и кај оние кои скокаа по бурињата во ладните води на Охридското Езеро. Додека дел од капачите чекаа од брегот бурињата да бидат фрлени во водите, друг дел од капачите беа во кајчињата и бродовите и полесно стигнаа до бурињата.
Традиционално, и годинава се подготвуваше рибната чорба од неколку тони, која и годинава ја подготвуваа од средното угостителско училиште „Ванчо Питошески“, додека пак спонзор на годинешната чорба беше хотелот „Тино“.
