Стотици новинари и граѓани се собираат пред Апелациониот суд во Скопје. Новинарите со маски со ликот на Кежаровски, свират со свирчиња и извикуваат „Слобода за Кежо“.
Иако беше најавено дека протестот ќе започне во 12 часот, граѓаните почнаа да се собираат и пред закажаното време. Нивниот број и понатаму расте.
Новинарот Томислав Кежаровски денеска беше пуштен дома поради здравствени проблеми. Тој треба да се врати во затвор на 18-ти февруари.
Претседателката на Синдикатот на новинарите на Македонија, Тамара Чаусидис, го најави доаѓањето на Томислав Кежаровски.