Четири лица за кои постојат сомневање дека му помогнале на Амеди Кулибали, еден од терористите во атенатаите кои ја потресоа француската престолнина на почетокот на годинава, се изведени пред судот, каде најверојатно против нив ќе бидат подигнати обвиненија, јавува дописникот на МИА од Париз.
Четворицата се дел од дванаесетте лица кои беа уапсени во рамките на истрагата која се води за евентуалната логистичка поддршка на Амеди Кулибали.
Станува збор за лица на возраст од 22 до 28 години и тие се испитувани за логистичката поддршка при снабдувањето со оружје и автомобили која им ја пружиле на Амеди Кулибали и браќата Куаши.