Се поочигледен е стравот на власта на Никола Груевски од обелоденувањето на нејзиното криминално владеење. Откако пукна скандалот „владини соработници во куќата на Миле Јанакиески“ во Прилеп, од коишто тој си инкасирал месечна закупнина и илјадници евра годишно, ВМРО-ДПМНЕ упорно сакаат да го одбранат со измислици и манипулации, велат од СДСМ.
Лагите на ВМРО-ДПМНЕ нема да му помогнат на Миле Јанакиески кој се уште не одговори дали крие непријавени кирии.
Особено што токму Јанакиески потврди дека има еден договор за закуп, со Проектот за реконструкција на канализациската мрежа во Прилеп. А Тековната состојба на германската фирма Лудвиг Фајфер и документот од официјалната страница на УЈП за Проектот за надзор на проектот за реконструкција, откриваат дека куќата на Јанакиески е седиште и на овие два правни субјекта.
-Како тогаш Јанакиески тврди дека прима само една кирија?
-Колку тендери доделило Министерството за финансии на правни субјекти на адресата Браќа Ламески 32, односно куќата на министерот Јанакиески, во Прилеп?
Овие прашања треба да ги објаснат ВМРО-ДПМНЕ, Груевски, Ставрески и Јанакиески кои се фатени на дело.
Портпаролот на СДСМ, Петре Шилегов целокупниот имот, приходи и заштеди уредно ги има пријавено до надлежните органи.