Во Кина е покрената истрага против еден од високите разузнавачки шефови Ма Џијан поради корупција, соопшти денеска Комисијата на Комунистичката партија за борба против корупцијата.
Ма, заменик-министер за државна безбендост е под истрага поради „сомнение дека сериозно го прекршил законот“, термин кој во Кина се употребува за корупција.
Ма повеќе од 30 години работеше во разузнавачка агенција, а во 2006 година беше именуван за заменик-министер.
Тој е последен пример на борба против корупцијата меѓу кинеските претставници која ја спроведува претседателот Си Џинпинг.