Најголемиот и најпопуларен сатиричен неделник во Франција „Окован патор“, соопшти дека добил страотни закани за смрт, само еден ден откако радикални исламисти убија 12 лица во редакцијата на „Шарли Ебдо“ во Париз.
„Вие сте на ред“, стои во пораката која што на 8-ми јануари е испратена на мејлот на неделникот со закана дека новинарите со секира ќе бидат исечени на парчиња.
Како што наведуваат од редакцијата на овој неделник, полицијата веќе покренала истрага, а зајакнати се и безбедносните мерки.
Инаку „Окован патор“ е најпознатиот француски сатиричен неделник чиј што тираж изнесува околу половина милион примероци. Неделникот е основан во 1915 година, а е познат по многу ексклузивни објави за политичките и бизнис кругови, како и поради истражувачките текстови за скандали со објави на шеги и карикатури.
Е. Г.