Во заседа во близина на јеменскиот главен град Сана убиени се четворица политичари од партијата на соборениот претседател Али Абдула Салех.
Тие патувале во провинцијата Мареб кога упаднале во заседа во текот на изминатата ноќ, соопшти нивната партија Народен конгрес.
Засега не е јасно дали тие се нападнати поради припадноста кон таа партија, а некои локални извори тврдат дека е можхо во прашање да е племенска одмазда.
Салех беше принуден да ја напушти власта во февруари по бунтот и немирите кои траеја една година.