Белата куќа призна дека згрешила што не испратила висок претставник на маршот против тероризмот во Париз, на кој учествуваа над 40 светски лидери.
САД беа претставени од американскиот амбасадор во Франција.
– Требаше да испратиме некого со повисок ранг, призна портпаролот на Белата куќа Џош Ернест, одговарајќи на многубројните критики во американскиот печат за отсуството на претседателот Барак Обама и на неговиот потпретседател Џо Бајден, или на некого од неговите министри.
– И покрај тоа, меѓутоа, не треба да постои сомнение во однос на силната врска, која САД ја имаат со Франција, истакна Ернест.