Масовноста на Маршот на солидарноста одржан денеска во Париз против екстремизмот е „без преседан“, соопшти Министерството за внатрешни работи на Франција.
– Учесниците на Маршот беа распоредени на многу поголемо подрачје од првобитно планираните маршрути, се вели во соопштението.
Маршот против тероризмот во знак на сеќавање на терористичките напади извршени изминатите денови во Париз, собра во главниот град на Франција 1,5 милион луѓе, напиша на Твитер еден од организаторите на собирот поранешниот министер Франсоа Лами, додека француски медиуми наведуваат и бројка од околу два милиона луѓе.