Македонскиот претставник во БИБЛ кошаркарската лига КК Куманово ќе може да продолжи со натпреварувањето откако првите луѓе на лигата му ја симнаа суспензијата која му беше изречена минатиот месец.
Тимот на Куманово привремено беше суспендиран поради неисполнување на маркетинг и медиумските правила. БИБЛ на својата интернет страница соопшти дека се надминати проблемите и оти кумановчани ќе можат да продолжат со натпреварувањето.
Куманово на досегашните пет натпревари има скор три победи и два пораза. Следниот натпревар го игра на гости во Никшиќ против Сутјеска на 13 јануари.