Во дворот на семејството Гајдови, кај Потокот, традиционално петнаесет години се пали коледарски оган.
Домакин е Кире а покрај него се неговите пријатели и роднини. Од година во година има и нови почитувачи на традицијата. Вечерва таму се Ѓоре, Тале, Дејан, Петре, Горан, Благој, Панче, Трајче, Драги и останатите пријатели од населбите Дворови, Нова Населба и Потокот. Покрај Коледето сите држат чашка греана ракија и пеат староградски велешки песни.
„Ги сакам и почитувам луѓето, затоа јас секоја година сум традиционален домаќин на Коледето. Ги прилагодувам и службените патувања на датумот 5 јануари кога мора да сум дома. Тогаш во мојот двор сите заедно го палиме огнот и во овие неколку часа уживаме во муабет, песна, посни јадења и греана ракија. Овде се вадат и гитарите и се пее мераклиската песна. Овде со нас се и децата на кои сакаме да им ја пренесеме традицијата која во Велес се почитува стотици години наназад. Вака во очи на Бадник и раѓањето на Исус Христос го славеле овој празник мојот дедо, татко ми, сега продолжувам јас а по мене и моите деца. Вака во Потокот е со децении се слави, рече Кире.
Извор: Дума
