Две летала, најверојатно дронови, се забележани над една нуклеаерна централа во Франција, пренесе „Франс прес“. -Околу 06:40 часот во сабота, се забележани две летала над областа на која се наоѓа нуклеарната централа- изјави портпаролот на централата, поради што е информирана полицијата.
Минатата година во октомври и ноември во Франција беа забележани повеќе од 13 неидентификувани дронови, кои ги надлетуваа нуклеарните централи во таа држава.
Воздушниот простор над нуклеарните постројки до 1.000 метри висина е под контрола на воените сили, но повеќето радари не се во можност да ги детектираат малите објекти кои летаат ниско.
Иако властите во Франција тврдат дека дроновите не претставуваат опасност, сепак распишан е тендер за набавка на систем кој ќе ги детектира и пресретнува дроновите.
Е. Г.