МЗТ Скопје загуби убедливо во дуелот од АБА лигата со Будуќност со 65-81 со што го нанижа и 11. пораз сезонава во која имаат 5 победи.
Очигледно дека гостите од Црна Гора сметаа на оваа победа и фуриозно го завршија првиот дел со дури 19 поени разлика (27-46).
„Штрковите“ играа бледо, незаинтересирано во овие први 20 минути. Не им одеше ударот од далечин, скокот беше скромен и Будуќност само ја најави својата 13. победа во АБА лигата која лесно ја обезбеди во вториот дел.
Шеховиќ со 15 и Лучиќ со 14 поени беа најефикасни во домашниот тим кој следниот петок гостува кај Шолноки во Унгарија.