Првите пожарникари пристапија денеска на јагленисаната палуба на грчкиот траект „Норман Атлантик“, за да го исгаснат последните пламени и да овозможат потрага по можни, досега неоткриени жртви на оваа поморска тргедија.
Пламенот ја зафати бродската гаража со паркирани автомобили во неделата, додека бродот пловел на рута меѓу грчкиот град Патрас кон италијанскиот Анкона.
Досегашниот биланс на жртвите е 11 лица, а италијанските власти објавија дека од бродот се спасени 477 патници.
Бродоломците се спасувани во драматични околности на Јадранот, по ветер, со помош на хеликоптерски јажиња на кои се префрлувани на други бродови кои пристигнаа на местото на несреќата по с.о.с. повиците.
Кога бродот ќе биде целосно обезбеден од избивање на нов пожар и стабилизиран во пристаништето, пожарникарите ќе тргнат по потрага по тела.