Денеска, според верскиот календар е „Свети Игнат“. Игнат е детето што Исус го носел во својата прегратка.
Според народното верување од овој ден започнува да расте денот. Во народот постои верување дека она што ќе правите и ви се случува денеска, ќе го правите и ќе ви се случува цела година.
Значи каков ви е денов, таква ќе ви биде и годината.
„Вистинските“ бадникови и божиќни обичаи почнуваат денеска, и затоа во некои делови на Македонија се месат коледарски колачиња, а некаде се изведува и обичајот полазеник. За полазеник го сметале првиот гостин што доаѓал и го пречекорувал прагот на куќата. Каков ќе биде полазеникот, таква ќе биде и годината за семејството.
Постарите ги заклучувале вратите од своите домови за да не им влезат лоши луѓе и лошо да им тргне.
Се верува дека денеска не е добро ниту да позајмувате некому пари, за да не ви одат парите од куќата.
Значи иако многумина велат – празноверие, сепак внимавајте што ќе направите денеска.