Во пожар во скопската кафеана „Велково менанче“ денеска изгоре помошниот дел во поткровјето и неколку машини.
Кратко време по избувнувањето на пожарот, на местото пристигнала противпожарната екипа со четири возила, а на помош биле повикани уште три.
Дваесет пожарникари интервенирале на поткровната конструкција која, според очевидци, горела брзо, бидејќи била од дрво што го отежнало гаснењето на пожарот.
Истрагата треба да покаже што го предизвикало пожарот.
