Љубителите на Дизни класичните бајки долго го исчекуваа првиот официјален трејлер на новото остварување на бајката – Пепелашка.
Творецот на ова остварување е Кенет Бранаг и официјалниот трејлер конечно беше прикажан. Во чест на оваа пригода, Сваровски кристал (Swarovski Crystal) ја претставија Пепелашка 2015, кристална фигура со ограничено издание, која ќе биде достапна за купување од првиот месец идната година.
За овогодинешното специјално издание компанијата Сваровски ја претстави Пепелашка во танцувачко движење во светликав син фустан. Нејзиниот фустан е направен од лесни сафири и бистри кристали, додека нејзиното лице и рацете се направени од кристали со префинет квалитет. Цената на оваа фигура е 350 евра.