Најмалку 30 лица вчера и денеска го загубиja животот во поплавите и лизгањето на земјиште предизвикани од тропската бура Сенианг што ги зафати јужните и централните острови на филипинскиот архипелаг.
Најнови жртви се 12 патници во две комбиња кои на автопат биле затрупани од наноси на земја и кал, а спасувачите не успеале да стасаат на време за да помогнат.
Другите жртви настрадале во најдојдените буици, а две деца загинале од струен удар додека бегале од надојдениот воден бран.
Големиот број на жртвите се должи и на несериозниот однос на локалните медиуми кон најавите за доаѓањето на тропската бура. Според нивни оценки бурата што доаѓала со брзина на ветерот од 65 километри на час е релативно безопасна во однос на последниот тајфун Руби, кој истото подрачје го опустоши со брзина на ветерот од 210 километри на час. Меѓутоа, послабиот ветар носел и поинтензивни врнежи, од 15 до 25 милиметри дожд на час, а тоа ги предизвика полавите и лизгањето на земјиштето.
Метеоролозите најавуваат дека тропската бура, која веќе слабее, ќе престане утре вечер.
Филипините годишно го погаѓаат околу 20 бури и тајфуни, а најголем број како последица имаат и човечки жртви. Минатата година супер-тајфунот Јоланда, најсилниот што ги погодил Филипините до сега, предизвика смрт на 7.350 лица и материјална штета од повеќе милијарди долари.