Италијанскиот министер за транспорт Маурицио Лупи изјави дека бројот на загинати во пожарот на грчкиот ферибот „Норман атлантик“ достигна осум лица, а 427 се спасени, вклучувајќи 56 членови на екипажот.
Во исто време, грчката крајбрежна стража соопшти дека судбината на 38 лица се уште е непозната.
Во моментот спасувачи го пребаруваат фериботот, кој беше опфатен од пожар во Јадранското Море.
Претходно денеска беа евакуирани патниците и членовите на екипажот.
Во оригиналниот список на патници на бродот фигурираат 478 лица, вклучувајќи патници и екипаж.
Лупи изјави дека рано е да се шпекулира дали ќе има се уште исчезнати луѓе, но е можно да има лица, кои резервирале место на фериботот, но не биле на бродот.
Тој рече дека властите го споредуваат списокот со имиња на 427 спасени.
Во меѓувреме, италијанските власти добиле од Грција предлог да бидат испратени службеници на грчката противпожарна служба за помагање на напорите при пребарување на фериботот.