Томислав Јотовски и Лина Ѓорческа го подобрија својот ранг откако им беа запишани настапите од фјучрс турнирите од претходната недела.
Јотовски со новите два поена добиени за учество во четвртфинале во Иран има вкупно 59 и се наоѓа на 547.место на АТП листата. Ова е негов најдобар ранг во кариерата.
Од другите македонски тенисери Димитар Грабул е на 639 место (42 поена), Стефан Мицов остана на 1.302 место (5 поени), додека Шендрит Деари е на 1.370 место (4 поени) и Бесир Дургути – 1.395 место (4 поени).
Ѓорческа има вкупно 79 поени (четири нови од полуфиналето во Анталија) и се наоѓа на 401 место на ВТА листата.
Во конкуренција на двојки Ѓорческа е 363-та, додека на оваа листа се најде повторно и Магдалена Стоилковска, која беше финалистка во двојки и сега е на 960.то место.