Македонската тенисерка Лина Ѓорческа (6. носителка) е поразена во финалето на фјучрсот во Анталија, Турција. Таа денеска загуби од Пиа Кониг од Австрија (3.носителка) со 2:0 во сетови. Ова за Ѓорческа беше 4.то финале во 2014 година, а успеа да победи само на турнирот во Варна (Бугарија), додека загуби во Прокупље (Србија) и Соусе (Тунис).
Првиот сет по гоелма борба со 7-5 во гемовски го доби Кониг, која во вториот сет беше поуспешна со 6-4.
Двете тенисерки имаа проблем со освојувањето на гемови на свој сервис, па така Ѓорческа имаше реализација на брејк топките 4/7, а Кониг 6/8.
Во вкупниот број поени Кониг беше поуспешна (72:68).
За пласманот во финалето Ѓорческа ќе добие нови седум поени и по една недела откако ќе и бидат впишани би требало повторно да се најде под границата од 400.место на ВТА листата.
Ѓорческа и следната недела ќе настапува на фјучрс турнир во Анталија (награден фонд 10.000 долари), а од 15.декември е пријавена за настап и на фјучрс турнир во Анкара (награден фонд 50.000 долари) каде најверојатно ќе треба да игра квалификации.