Кошаркарите на Карпош Соколи вечерва ја победија Струмица со 76:54 во натпревар од 8.коло од Првата кошаркарска лига.
Струмичани одиграа добро во првите 10 минути кои завршија 19:19, а следните два периода доминираа домашните. Вториот период заврши 19:11, а третиот 23:18. Струмица само во последната четвртина оствари позитива (16:15).
Диме Тасовски со 12 и Владимир Филиповиќ со 10 поени беа предводници во победата на тимот од СЦ „Борис Трајковски“. „Двоцифрен“ во Струмица беше само Томчо Соколов со 13 поени.
За Соколи ова беше петта победа наспроти двата пораза, Струмица го запиша петтиот пораз и остана на три победи.