Македонскиот тенисер Томислав Јотовски без поголеми проблеми успеа да постигне победа во 1.коло на фјучрс турнирот во Иран, што се игра во Киш. Тој на својот денешен ривал Мохамед Карегаран од Иран му препушти само два гема (6:2 и 6:0).
Јотовски кој е рангиран како 5. носител на турнирот, во следното коло ќе игра со победникот од мечот Тимон Рајхелт (Германија) и Марк Верворт (Холандија).
Во игра на двојки Македонецот на овој турнир настапува со Полјакот Аркадиуж Коцила и во првото коло ривали им се Хрватите Тони Андроиќ и Матео Фабер.
За Јотовски ова е настап на трет фјучрс турнир во Иран.