Мајка на една од жртвите од малезискиот авион МХ-17, што се урна во Украина, поднесе тужба против Украина пред Европскиот суд за човекови права во Стразбур.
Жената бара отштета од 800.000 евра од Украина за убиство од негрижа.
Во тужбата се наведува дека Украина требала да го затвори својот воздушен простор за цивилни летови по избувнувањето на судири во источниот дел на земјата.
Авионот Боинг 777 експлодира на 17 јули во источниот дел на Украина при што загинаа сите 298 патници, од кои 193 беа холандски државјани. Во авионот имало четворица германски државјани.
Киев и западните сили ги обвинуваат проруските сили дека го собориле авионот со руски ракети, што Москва го негира.