Кошаркарите на Работнички вечерва во рамките на дербито на 8.коло од Првата лига го совладаа Куманово, а Струмица направи изненадување со победата над Кожув пред своите навивачи.
Во салата „Градски парк“ Работнички со 69:60 го победи Куманово, а гостите на полувремето имаа предност од три поени (30:27). Најдобар играч на натпреварот беше Ѓорѓи Чековски со 23 поени и 9 скокови.
Изненадувањето во досегашниот дел од шампионатот го направи Струмица со победата над Кожув со 66:60. Најефикасен на дуелот беше домашниот кошаркар Тимчо Соколов со 29 поени и 13 скокови.
Утре се игра натпреварот Водњански лисици и Фени Индустри, додека слободна е екипата на Гоце Делчев.
Табела: Куманово 12 бода, МЗТ Скопје Аеродром 10, Работнички 10, Фени Индустри 10, Карпош Соколи 10, Струмица 10, Кожув 9, Гоце Делчев 8, Водњански Лисици 7…