Српски хакери во знак на одмазда за убиството на навивачот на Црвена Звезда, Марко Ивковиќ, хакирале повеќе од 200 турски портали.
Како што пренесуваат медиумите на сите хакирани портали стои порака дека тоа го направиле српски хакери и дека 22-ри ноември „никогаш нема да падне во заборав“.
– Терористи, убивате српски деца! Нема да поминете без казна! Ве чекаме во Белград! Крв ќе се лее, одмазда ќе има-се пораките кои што се напишани на хакираните турски портали.
За потсетување Марко Ивковиќ беше член на навивачката група на Црвена Звезда, која во Истамбул отпатува за да ги бодри црвено-белите кошаркари во натпреварот против Галатасарај, но беше убиен на 21-ви ноември пред спортската сала.
Е. Г.