Нов пораз на женскиот кошаркарски шампион на Македонија, екипата на Бадел во регионалната Јадранска лига.
Овој пат македонските кошаркарки се поразени од шампионот на Босна и Херцеговина екипата на Челик.
Дуелот од 6.коло во Јадранската конкуренција одигран вечерва во Скопје, го добија гостинките со 45:65 по четвртини 13:16, 9:14, 11:21 и 12:14.
И на овој натпревар Анџелика Мирташиновиќ беше најефикасна кошаркарка кај Бадел постигнувајќи 20 поени.
Поразот од Челик е четвртиз за нашите кошаркарки во исто толку одиграни средби во регионалната конкуренција, во која следниот меч ќе го играат на 4 декември, на гости во Словенија, против екипата на Гросбаскет.
Покрај овој натпревар, во рамки на шестото коло ќе се сретнат уште: Венеција – Триглав, Будуќност – Партизан и Радивој Кораќ – Гросбаскет.