Кошаркарите на Кожув ја продолжија победничката серија во регионалната Балканска лига (БИБЛ).
Гевгелискиот тим попладнево на гостувањето во Скадар, Албанија, славеше победа убедливо со 80:52 против Влазнија во натпревар од 5.коло на Б групата.
Четворица кошаркари на Кожув средбата ја завршија со двоцифрен број на постигнати поени, а најмногу реализира Горан Главчев кој постигна 16 поени.
За Кожув ова беше четврти триумф во БИБЛ лигата и заедно со екипата на тимот на Рилски спортист од Бугарија, остануваат единствените непоразени во ова натпреварување.
Токму Рилски спортист утре од 19 часот гостува на „жешкиот“ терен во Куманово, кај истоимената екипа, на мегдан кај нашиот втор претставник во БИБЛ лигата.
Со евентуална победа кумановци ќе го превземаат првото место на табелата во А групата, во која утре ќе се игра и дуелот меѓу црногорските екипи Сутјеска и Теодо.