Претседателот на Демократската унија за интеграција Али Ахмети, денеска го поздрави постигнатиот договор помеѓу двете најголеми партии во Косово за заедничка Влада.
Во соопштението од ДУИ се наведува дека демонстрираната државотворна одговорност на Хашим Тачи и Иса Мустафа е ветувачка во насока на оддржлива стабилност на земјата, како и успешно справување со предизвиците што стојат пред Косово.
– Се надевам дека новата влада во Косово ќе се формира што е можно побрзо за да ги продолжиме нашите напори за да го подобриме животот на нашите граѓани преку оддржување на што е можно поскоро заеднички владини седници, поминување на границата само со лични карти, интегриран менаџмент на границата, изградба на патот од Скопје до Приштина како и блиската соработка на сите полиња, се вели во пишаната изјава на лидерот на ДУИ Ахмети.