„Од центарот на Скопје за да стигнеме до Стајковци наместо потребните 15 минути на нас граѓаните ни е потребен половина час.
Тоа е така бидејќи главната сообраќајна улица Алија Авдовиќ којашто поминува низ Сингелиќ и завршува во Стајковци се наоѓа во катастрофална состојба.
Погледнете, канонада од дупки и прекопи коишто тешко се поминуваат. Оваа улица претставува вистинска опасност за граѓаните. Дополнително што од овде секојдневно поминуваат над 8 илјади возила“, рече на денешната прес-конференција Дејан Ристиќ, претседател на ОО СДСМ Гази Баба.
„Директно се засегнати 20 илјади граѓани бидејќи ова е главната сообраќајница и за уште неколку населени места, Црешево, Виниче Булачани, Смилковци, Раштак, Брњрци и Страчинци.
Веќе 15 години локалната власт на ВМРО-ДПМНЕ безобразно ги лаже граѓаните дека улицата ќе биде реконструирана.
Ова е ликот на регионалната улица. Локалните улици во овие села се во уште полоша состојба. Очигледно ВМРО-ДПМНЕ и градоначалникот Тони Трајковски не ги остваруваат ветувањата дадени пред граѓаните.
Недозволиво е неодговорноста на власта да ја загрозува безбедноста на 20 илјади жители“, изјави Дејан Ристиќ, претседател на ОО СДСМ Гази Баба.