„Севастопољ“, близнакот на воениот брод „Владивосток“ од типот „Мистрал“, кои Франција ги гради за Русија, е пуштен во вода во текот на минатата ноќ во бродоградилиштето во Сант Назер, јави дописникот на МИА од Париз.
Ако се испочитува договорот меѓу Франција и Русија, „Севастопољ“ ќе треба да биде испорачан во 2015 година. Претходн, изградениот „Владивосток“, требаше да и биде испорачан на руската Воена морнарица на почетокот на месецов, но поради кризата со Украина, францускиот претседател Франсоа Оланд ја одложи испораката.
Договорот за изградба на двата воени бродови беше склучен во 2011 година и е во износ од 1,2 милијарди евра.