Франција сака да ја засили својата позиција во воените коалиции, како таа што во моментов делува над Ирак и Сирија, па за таа цел нарача 12 авиони-танкети од типот „Ербас А330 МРТТ“, јави дописникот на МИА од Париз.
Порачката тешка три милијарди евра е официјализирана од министерот за одбрана Жан-Иве Ле Дриан. „Ербасите А330 МРТТ“, ќе треба да ги заменат веќе старите летачки такери „Боинг КЦ135“ на француското Воено воздухопловство, кои се стари 50 години.
Првите авиони-танкери произведени од „Ербас“, француското Воено воздухопловство ќе ги добие во 2018 и 2019 година. Секоја година ќе бидат испорачувани по два авиони, а договорот подразбира и нивно одржување и обуката на пилотите.
Ербасите МРТТ се изградени врз основата на „Ербасите А330-200“. Франција е шестата земја која го избра „Ербасот А330 МРТТ“ по Австралија, Саудиска Арабија, Велика Британија и Сингапур, а Индија и Катар се во фаза на завршни преговори.
Покрај авионите, Франција планира да ги модернизира и своите оклопни возила со заментата на старите оклопни транспортери со нови во текот на 2017 и 2018 годиа. Актуелните транспортери што ги користи француската армија се стари над 40 години.