Веќе шести ден во ОУ „Григор Прличев“ нема електрична енергија, а учениците по зимски јакни наставата ја следат со скратена програма и без греење. Причината за оваа ситуација е сеуште неисплатениот долг од страна на училиштето кон ЕВН.
Долгот кој училиштето треба да го исплати кон ЕВН заклучно со 05.11.2014 година изнесува 736.120 денари, дознава А1он. ЕВН навремено го предупредила училиштето дека доколку не ги подмири своите обврски, ќе го исклучи системот за напојување со електрична енергија.
По исклучувањето на струјата, градоначалникот Бакрачески ги обвини претходните раководства дека не презеле ништо за решавање на проблемот со ОУ „Григор Прличев“.
Пред неколку дена тој истакна дека проблемот настанал со блокирање на сметката на училиштето заради имотно – правен спор што го попречувало училиштето да го плати долгот кон ЕВН.