Новиот претседател на Европскиот совет, Доналд Туск изјави дека ЕС во декември ќе дискутира за конфликтот во Украина, кој тој го нарече војна.
Поранешниот полски премиер Доналд Туск, кој ќе стапи на новата должност на 1 декември истакна дека Украина ќе биде главна тема на седницата на Советот на 18 и 19 декември в Брисел.
– Ќе кажам отворено, станува збор за војна во источна Украина, рече Туск.
Според него на самитот на Г20 во Бризбејн на рускиот претседател Владимир Путин јасно му било укажано дека атмосферата во Европа и во светот во однос на Русија драматично се влошува.