Чехот Томаш Бердих ја забележа првата победа на завршниот АТП Мастерс турнир што се одржува во Лондон.
Бердих во првиот денешен меч од 2.коло на А групата, во два сета беше подобар од Хрватот Марин Чилиќ.
Откако во првиот сет Бердих на противникот му препушти три гема и истиот го доби со 6:3.
Во вториот сет, Чешкиот тенисер беше уште поубедлив дозволувајќи му на противникот да освои само 1 гем, односно да го добие сетот со 6:1.
Во вториот меч од оваа група, вечерва од 21 часот ќе играат Србинот Новак Ѓоковиќ и Станислас Вавринка од Швајцарија. Инаку, двајцата тенисери во првото коло славеа победи.