Попладнево повторно е исклучена струјата во спортската сала „Билјанини Извори“ во Охрид. Екипите на ЕВН, денеска околу 16 часот ја исклучиле салата од електрично напојување и истата не е во функција.
Ова е втор пат салата да биде исклучена откако во јуни, пред почетокот на светското кадетско првенство исто така немаше електрично напојување. Како и тогаш, така и сега, исклучувањето најверојатно е заради долг на јавното претпријатие кон ЕВН.
Провладините медиуми и од Општина Охрид известија дека тогаш градоначалникот Бакрачески го решил проблемот и успеал да издејствува приклучување на електричната енергија. Сепак, решението траеше до денес.