Никола Груевски и ВМРО-ДПМНЕ не можат да се помират со фактот дека СДСМ е партијата којашто преку бројните пријателства и почит во светот единствено е во позиција да работи на меѓународниот углед на Република Македонија, вели СДСМ во врска со пишувања во провладините медиуми.
„Со право му е тешко на Груевски да го прифати фактот дека на средбите на претставниците на СДСМ со меѓународните претставници, како последниот пример во Франција, употребено е уставното име на земјава. Груевски е вознемирен од бројните критики за недемократскиот амбиент во Македонија, но за тоа причина е неговиот начин на владеење, а не СДСМ“, порачуваат од таму.
СДСМ вели дека наместо Груевски да се правда преку таканаречени неименувани експерти во нарачани анализи по медиумите под негова конрола, треба ја преземе одговорноста за состојбата во којашто ги донесе државата и граѓаните на Македонија.