Првиот натпревар од 5.коло од Првата кошаркарска лига, кој воедно беше и дерби се одигра синоќа и заврши со победа домаќинот Куманово. Решавачката предност кумановци ја направија во втората четвртина која ја добија со 26:13 и на крајот славеа победа со 97:90. Ова за Куманово беше четврта победа во првенството.
Најефикасен на натпреварот беше македонскиот репрезентативец во дресот на Куманово, Александар Костоски со 28 поени, а Вукашин Мандиќ постигна 23. Во редовите на Фени Индустри најпрецизен беше Мајкл Амос со 26.
Денеска од 19 часот во Гевгелија ќе играат Кожув и Водњански лисици. Поради изречената суспензија и исклучувањето од лигата на КК Работнички до донесување на одлука на Арбитражната комисија одложен е натпревар Струмица – Работнички.
На 12.ноември (среда) ќе играат МЗТ Скопје Аеродром – Гоце Делечев, а во оваа рунда слободна е екипата на Карпош Соколи.