Со натпреварот на кошаркарските екипи на Куманово и на Фени Индустри што се игра вечерва во спортската сала во Куманово ќе стартуваат натпреварите од 5. коло од Првата лига.
Ова е дуел на водечките тимови на табелата откако дуелот меѓу Работнички и МЗТ Скопје Аеродром во средата беше прекинат. Двете екипи досега имаат по три победи и еден пораз, а третиот тим со ист скор (Карпош Соколи) во ова коло ќе биде слободен. Почетокот на натпреварот е во 19:30 часот.
Утре се играат два натпревара од оваа рунда во Струмица кај истоимената домашна екипа ќе гостува Работнички, додека Кожув во Гевгелија ја пречекува екипата на Водњански лисици.
Поради настапот во АБА лигата, натпреварот МЗТ Скопје Аеродром – Гоце Делчев ќе се игра на 12 ноември (среда).
За денеска за 13 часот е закажана седница на Здружението на прволигашите на која ќе се расправа за настаните од прекинатиот натпревар во средата меѓу Работнички и МЗТ Скопје Аеродорм.