Градоначалникот на општина Центар, Андреј Жерновски на својот ФБ профил одговори на написот на „Курир“ со наслов „Жерновски ја исполитизира и кошарката“
Жерновски напиша:
Тажно е, но очигледно е дека нема крај на оваа очајна стратегија на “Курир”. Намерно не ставија слика од вчерашниот натпревар, бидејќи ќе се видеше дека лево до мене седи координаторот на советничката група на СДСМ, а лево координаторот на советничката група на ВМРО-ДПМНЕ. Тоа беше заеднички договор, за да пратиме порака дека не сакаме да го политизираме Работнички. Сегашното раководство го врати Работнички во врвот на македонската кошарка. Класична лага и дезинформација е напишаното дека според информациите на “Курир”, под директна команда на највисоките раководни луѓе, играчите на Работнички не излегоа на терен за да го продолжат натпреварот. За крај, сакам да им порачам дека не можат и нема да не’ запрат.
„Курир“ објави стара слика од поранешни натпревари, а не вчерашната на која се гледа дека советници на ВМРО-ДПМНЕ и на СДСМ заеднички навиваат за Работнички.
Ова е сликата која ја објави „Курир“
А ова е вчерашната слика од натпреварот.
