Институтот за животна средина и здравје при Универзитетот на југоисточна Европа во Тетово денеска организираше научен форум насловен „Климатските промени и Македонија“.
На форумот, чија цел беше согледување и актуализација на состојбите со климатските промени во Македонија, министерот за животна средина и просторно планирање Нурхан Изаири посочи дека нашата земја предничи во усвојувањето и усогласувањето на сите директиви од ЕУ за оваа област.
– Климатските промени бараат еколошко иновативни пристапи и технологии кои пак ќе станат клучни за економскиот раст, конкурентноста и вработувањето. Владата на Македонија досега има усвоено три национлни планови за климатски промени 2003, 2008 и 2014 година. Во согласност со националната програма за усвојување на правото на ЕУ планирана е изработка на политички документ што треба да се изработи со подршка на Истражувачкиот центар за одржлив развој и енергетика при МАНУ, УНДП и ГТЗ. Улогата на министерството како национален координатор за климатски промени се остварува и преку вградување на политики и во останатите сектори како здравство, земјоделство и енергетика а во академскаат заедница гледаме партнер во реализирањето на вакви и слични активности. Одговорноста за здрава животна средина и намалени климатски промени е на сите поради што е потребен одговорен однос кон средината од секој поединец, рече во обраќањето пред присутните министерот Изаири.
Ректорот на УЈИЕ Замир Дика посочи дека и досега тие биле дел од повеќе мултидимензионални проекти за развој на свеста за заштита на средината, но и со практични прокети придонеле во намалувањето на емисијата на штетни гасови и заштета на енергијата како прокетот за Еко кампус, изградбата на фотонапонскта централа, еколошките објекти и слично.
Италијанскиот амбасадор во Македонија Ернесто Белели рече дека треба да се пронајде вистински баланс помеѓу ризиците за климатски промени и цената што би требало да ја платат економијата и оптетството.
– Станува збор за чувствително прашање и колку подолго се одолговлекува носењето на решенија во овој правец центата подоцна ќе биде уште поголема. Затоа политичка е одлуката за носење на вистински баланс во зачувување на средината но и овозможување економски развој, истакна амбасадорот Белели.
На конфренцијата во Тетово повеќе професори и научни истражувачи од УЈИЕ имаа свои излагања за влијанието на климатските промени и мерките што треба да се преземат за намалување на негативните ефекти од тоа.