Најдобриот светски тенисер Новак Ѓоковиќ успеа да обезбеди пласман во четвртфиналето на Мастерсот во Париз, откако синоќа го победи домашниот тенисер Гаел Монфис со 2:0 во сетови. Негов ривал денеска ќе му биде Енди Мареј, кој по триумфот вчера над Григор Димитров покрај четвртфиналето на овој турнир обезбеди и пласман на завршниот Мастрес што се игра во Лондон.
Пласман во четвртфиналето изборија уште: Рожер Федерер, Кеи Нишикори, Милош Раониќ, Давид Ферер, Кевин Андерсон и Томаш Бердих. Од сите осминафинални мечеви единствено Нишикори и Андерсон постигнаа победи од 2:1 во сетови,а другите завршија со резултат 2:0.
Покрај дуелот Ѓоковиќ – Мареј, другите двојки се: Бердих – Андерсон, Раониќ – Федерер и Ферер – Нишикори.