Присутноста на антибиотици во рибата придонесува за развој на резистенција кај бактерии и претставува закана за здравите луѓе, предупредуваат американски научници.
Истражувачите од Аризона Универзитетот анализирале 27 примероци на риба и морски плодови со потекло од 11 земји.
И во рибата од рибници и во уловената риба е откриено присуство на пет антибиотици, чија присутност во околината ги зголемува шансите за развој на отпорноста на антибиотици кај бактериите.
Ваквите „супербактерии“ годишно во САД заразуваат два милиони луѓе и носат 23.000 животи, предупредуваат истражувачите.
„Journal of Hazardous Materials“ пишува дека слични последици има и користењето антибиотици во одгледувањето на животните наменети за исхрана.