Нова размена на воени заробеници меѓу украинската армија и милициите од Доњецка Народна Република (ДНР) ќе биде извршена во следните неколку дена, изјави вчера заменик шефот на кабинетот за бегалци и воени заробеници на ДНР Лилиа Родинова.
– Нова размена се очекува во следните неколку дена. Моментално двете страни подготвуваат списоци со лица, кои ќе бидат разменети, изјави Родинова.
Размената на заробеници е една од клучните одредби од договорот постигнат на состанок на Контакт групата за Украина во Минска на 5 септември. Од тогаш досега се извршени пет размени.